Jógvan Arge varaborgarstjóri í Havn hevur heitt á borgarstjóran Heðin Mortensen um at fáa mótmælið frá staðbundnu nevndini á Hvítanesi fyri á býráðsfundi hóskvøldið.
Hann hevur sent borgarstjóranum og kommunustjóranum hesa áheitan: "Vit áttu at tikið skrivið frá hvítanesnevndini á skrá í fíggjarnevndini og býráðnum í morgin.
UK best replica omega watches with Swiss movements for modern men and women.
UK perfect fake watches online are cheap for female and male watch wearers..
Her er talan um eina ráðgevandi nevnd hjá Tórshavnar býráð, sum ger vart við viðurskifti og átøk, sum tey kenna á sær eru teimum til bága í alla framtíð. Teirra høvuðskrav er, at tann nýggi tunnilsvegurin verður fluttur haðani, nú grivið verður fyri honum norðanfyri Hvítanes.
Hetta kravið eigur at verða tikið upp í Tórshavnar býráð, meðan tíð er, so hvítanesfólk og øll onnur vita, hvørja støðu Tórshavnar býráð hevur til hesa staðseting, sum tykist vera komin sníkjandi inn á okkum.
Her vísi eg til samráðingar, sum í áravís hava verið millum landið og komununa um nýggjan innkomuveg til Havnar nærhendis Sundi. Vil ongin annar, so vil eg fegin standa aftanfyri málið”, skrivar Jógvan Arge.
Hvítanesfólk fingu ein hvøkk, tá tey frættu, at vegurin til Eysturoyartunnilin skuldi leggjast nær bygdini, uttan at tey vóru so mikið sum kunnað, áðrenn arbeiðið fór í gongd. Fremsta áhugamálið hjá hvítanesfólkum er er at fáa vegin fluttan longur burtur frá bygdini.
-Tí eigur Tórshavnar býráð at stuðla teimum í, sigur Jógvan Arge.
---
