Á rundferðini í Kringvarpshúsinum í Sortudíki mikumorgunin, ið Jákup Magnussen, morgunvertur, stílaði fyri, var høvuðsfrásøgumaðurin Jógvan Arge, ið greiddi mest húsasøgu og virksemi útvarpsins og samanbar fortíð og nútíð.
Onnur, ið vóru at hoyra, vóru Liljan Weihe, tíðindaleiðari, ið fortaldi um tíðindaøkið, Súni Selfoss, savnsvørður, ið segði frá savninum, og Jensina Olsen, sum er í ferð við at gera sjónvarpssendingina “Ding Ding Pippting”.
Eisini hoyrdust Eyðfinn Jensen og Carsten M. Arnskov siga frá tøkni, og tíðindafólkini Jákup Bogi Joensen, Bergljót Debes Hentze og Johnsigurd Johannesen søgdu frá sínum arbeiði.
Við at brúka knøttarnar niðanfyri, ber til at hoyra reportasjuna frá gongutúrinum:
