Hon var millum teirra, sum vóru inni í útidystinum móti Finnlandi.

Tað gekst teimum væl, hóast finsku kvinnurnar vunnu við tveimum málum 27-25.

Turið spælir vongur á 1. kvinnuliði hjá Kyndli. Hevur eisini verið á yngri landsliðum og staðið seg væl, síðani hon varð flutt upp. Enn er hon bara 17 ár.

Durita Christophersen var toppskorari á føroyska liðnum við 7 málum. Næst henni var Liljan Durhuus við trimum málum. Síðani vóru málskjúttarnir: Turið Arge Samuelsen 2, Gurið Mortensen 2, Bára Hansen 2, Marjun Falkvard Danberg 2, Jacklin Durhuus 1, Halla Skylv Midjord 1, Birita Wardum 1 og Helga Eyðunsdóttir Kjærbo 1.

Seinnapartin í dag verður aftur dystur millum londini. Nú munurin var so lítil á liðunum í fyrra dystinum, er stórur spenningur í føroysku leguni, um tað fer at eydnast at snara úrslitinum rættan veg hesaferð.