Seinastu árini eru skipað nøkur ungdómstilboð eftir nakað sama leisti sum Margarinfabrikkin. Hesi tilboð eru í Nólsoy, í Hoyvík og í Vesturbýnum. Ymisk í vavi, men bygd upp eftir somu grundreglum.

Á fíggjarætlanini, sum nú er løgd fram, verður mælt til at játta 1 mió kr aftrat til rakstur av fleiri slíkum tilboðum. Ætlanin er at stovna tey nýggju ungdómstilboðini á Argjum, Velbastað/Kirkjubø, Kollafirði og í Kaldbak.

Tilboðini um skipað ungdómsvirksemi nøkur kvøld um vikuna hava góða undirtøku, har tey eru.