Tjóðveldisflokkurin leggur doyin á at nøkta ansingartørvin og bústaðartørvin hjá gomlum og óhjálpnum í Tórshavnar Kommunu við umlætting, dagtilhaldi, ellis- og røktarheimum og sambýlum.

Tjóðveldisfloksins mál er, at tann bráðneyðugi tørvurin á ellis- og røktarheimsplássum í allari kommununi verður nøktaður sum skjótast.

Flokkurin vil strongja á, at fáa eldraøkið lagt út til kommunurnar.

Gjørd verður ein miðvís ætlan at tryggja teimum gomlu og óhjálpnu virðiligar umstøður á heimum, tilhaldum og/ella heima við hús.

Tjóðveldisflokkurin miðar eftir, at heimavitjanartænastan verður útbygd. Tiltøk at lætta um hjá eldri og óhjálpnum heima við hús eiga at verða sett í verk.

Tjóðveldisflokkurin virkar fyri at stovna eitt eldraráð í kommununi at vera millumlið millum hana og fólkið.

Kommunan tekur virknan lut í arbeiðnum fyri at pensjonistar kunna halda seg aktivar.

Tjóðveldisflokkurin leggur dent á at útvega fólki við skerdum arbeiðsevnum útbúgvingar- og/ella arbeiðsmøguleikar.

Kommunan eigur at ganga undan at tryggja fólki við serligum tørvi møguleikar at gerast partur av arbeiðsmarknaðinum.

Í byggimálum verður dentur lagdur á góð atkomuviðurskifti hjá rørslutarnaðum og brekaðum sum heild.