Tjóðveldisflokkurin heilsar Kirkjubø, Velbastað, Nólsoy, Hesti og Koltri vælkomnum upp í Tórshavnar Kommunu.

Hesar samanleggingar gera Tórshavnar Kommunu til eitt sera fjølbroytt samfelag. Tað setir stór krøv til tey, sum stíla fyri kommununi.

Tjóðveldisfloksins stevnumið er, at tey nýkomnu fáa somu sømdir sum borgarnir í kommununi annars við virðing fyri teirra sereyðkennum og møguleikum.

Endamálið er at tryggja lív og menning á øllum plássum í Tórshavnar Kommunu.

Í umsitingini verður dentur lagdur á at fylgja upp málum, sum hava við oyggjar og útriðir at gera, so tey ikki hvørva í rúgvuni.

Vakið eyga verður havt við teimum møguleikum, sum eru fyri menning og trivnaði á plássunum.

Tær lokalu nevndirnar verða virdar og virkað verður fyri, at tær fáa veruliga ávirkan.

Fólkið á oyggjunum fær møguleika fyri at nýta tey frítíðartilboð, sum eru í høvuðsstaðnum.

Kommunan skundar undir betri ferðasamband við nýggju plássini í kommununi.