Nógv orðaskifti er millum teirra, sum varða av næmingunum í 10. flokki.

Skúlastýrini í Tórshavnar Kommunu hava tikið stig til at viðgera hendan spurningin og hava boðað til ein evnisdag um málið.

Í hesum sambandi verður lagt fram úrslitið av eini spurnarkanning, sum er gjørd millum næmingarnar í 10. flokkunum, men onnur umrøða verður eisini.

Mentamálanevndin hjá Tórshavnar Býráð hevur eisini tikið málið upp. Hetta hevur samband við spurningin um skipan av 10. flokkunum í kommununi sum heild. Ein høvuðsspurningur er sjálvandi, hvørjum næmingarnir fáa mest burturúr

Nevndin hevur havt fund við umboð fyri mentamálaráðið, og seinasta stigið er, at skriv er sent mentamálaráðnum, har biðið verður um uppskot um, hvussu 10. flokkur kann skipast í Tórshavnar Kommunu.

---