Tjóðveldisflokkurin hevur hildið stóran fólkafund í Læraraskúlahøllini í Havn í dag.

Har var mikil fagnaður, tá eitt nú Høgni Hoydal, Tórbjørn Jacobsen og Karin Kjølbro røddu og søgdu frá støðu floksins til hetta valið.

Innímillum varð skipað fyri tónleiki, sangi og stuttleika við kendum nøvnum, og fólk sótu sum á nálum í fleiri tímar.

Uppmøtingin var góð. Valevni vóru komin úr øllum ætttum, og nógv fólk var eisini komið úr býnum at vera hjá.

Hetta var startskotið hjá Tjóðveldisflokkinum til valstríðið, og nú verður ikki helmað í fyrrenn valið er vunnið.

Vel framtíðina – vel Tjóðveldisflokkin.

---