Halló Jógvan!

1) Hvat meina tit við "einar frælsar Føroyar fyri øll"? Eru Føroyar ikki frælsar at liva í?

2) Um tað er loysingin, tjóðveldisfólk hugsa um, so er tað ein føroysk ósemja, ið forðar fyri, at loysing verður tikin.

3) Føroysk landstýrisumboð hava gjørt sær nóg ofta fyri skommum í Danmark og í Føroyum - bert av ósemjum ímillum tey sjálvi.

4) Haldið upp at at misnýta tað vakra orðið FRÆLSI, tí tit hava ongantíð verið kúgað.

Heilsan

Loki

Svar:

Halló Loki!

1) Vit meina, at vit stevna fram móti einum fríum og frælsum Føroyum, har øll hava somu møguleikar og sama rætt.

2) Vit arbeiða fyri at menna undirtøkuna fyri føroyskum sjálvstýri. Vit eru so nær einum sjálvberandi búskapi sum ongantíð fyrr, og vit rokna við, at hetta fer at meðvirka til, at hugsjónin fær upp aftur størri undirtøku á tilstundandi valinum.

3) Tað er ikki forboðið at vera ósamdur í politikki, men tað er óvirðiligt og lítið álitisvekjandi, um føroyskar samráðingarnevndir, sum tingast við annan part, ikki hava stev.

4) Vit halda eisini, at frælsi er eitt vakurt orð við góðum innihaldi. Tí stríðast vit fyri tí.

Heilsan

Jógvan.