Samband við allan heim

Altjóða samstarv - Møguleikar at fara út í heim og góðar umstøður at koma heimaftur

Tær sjálvstøðugu Føroyar skulu menna sambandið við allan heim.

Føroyar skulu gerast eitt vitanarsamfelag, sum mennir seg á jøvnum føti í altjóða samfelagnum.

Tjóðveldisflokkurin vil:

 Menna útbúgvingarmøguleikar og granskingarsamstarv við flest møgulig lond.

 Skipa eina veruliga føroyska uttanríkistænastu og menna okkara beinleiðis samband við altjóða stovnar og felagsskapir.

Fólkið heimaftur

Okkum tørvar, at føroyingar leita sær uttanlands og virka og starva um allan heim.

Men okkum tørvar ikki minst, at fólkið eisini leitar heimaftur.

Nógvir føroyingar noyddust at leita sær av landinum undir kreppuni. Landið er nú í stórari menning og fleiri leita heimaftur.

Tí vil Tjóðveldisflokkurin leggja serligan dent á at loysa íbúðartrupulleikar og dagsstovnatilboð í samstarvi við kommununurnar kring landið.

Vit skulu eggja fólki at koma heimaftur við at hava dygdargóð trivnaðartilboð kring alt landið.

Hetta er avgerandi fyri framhaldandi menning í føroyska samfelagnum - fyri búskap, vinnu og mentan.