Uppboðssølan á Landssjúkrahúsinum var spennandi og áhugaverd. Málningarnir komu heilt upp í einar 5000 krónur.

Ovast av politikarunum lá Høgni Hoydal, sum varð seldur fyri einar 5000 krónur. Drúgv kappbjóðing var um hansara málning, og hann endaði í hondunum á einum klaksvíkingi, sum býr í Havn.

Hann kappbjóðaði móti verforeldrum Høgna, sum at endanum sleptu boðnum.

Ungir listarmenn fingu eisini góð boð. Bæði Tormóður Djurhuus yngri og ein sonur Bjørn á Heygum komu eisini upp á umleið 5000 krónur, og her var eisini drúgv kappbjóðing.

Tann hjá Tormóði yngra, hugsi eg, endaði aftur í familjuni. Drongurin er 15 ár og er kortsíðani farin at mála.

Sukurmolin á Boðaneshamrinum fór fyri einar 1300 krónur. Tað var ikki so galið. Sjálvur keypti eg ein málning hjá Pálli á Reynatúgvu fyri 1100 krónur. Lítil og fittur málningur.

Eyðun Eltør fekk góðan prís fyri sín málning, útivið 4000 krónur. Jóannes Eidesgaard fór fyri 700 krónur og Kristian Magnussen fyri 500 krónur.