Spurningur: Hvat er tað, sum ger, at tú tímir at brúka tína tíð til politikk. Eg meini, tú ert jú ikki heilt ungur longur og ert ivaleyst eisini desillusioneraður, sum tey flestu hálvgomlu. Hvør er tann innara drívkraftin? ð
Svar: Tað kann gott vera, at eg eri desillusioneraður á summum økjum, men á øðrum økjum havi eg, sum tú sært, ta óspiltu trúnna enn, sjálvt um eg av árum eri vorðin hálvgamal.
Politikkur hevur altíð havt mín áhuga, og tann stóri spurningurin hjá mær og mongum av mínum javnaldrum í trýssunum var sjálvstýri Føroya. Hetta var í teimum døgum, tá sjálvstýrislandsstýrið ráddi.
Teir komu ikki so langt ta ferðina, men í hesum umfarinum havi eg varhugan av, at Føroyar eru á rættari leið, og eg vil fegin gera tað, sum eg kann, fyri at hjálpa til at náa málið.
Tað er jú vit, sum búgva og virka í hesum landinum, sum skula stinga kósina út og fremja verkið, og tað man vera drívkraftin. Vóni, at tú ert nøgd við svarið.
Vinarlig heilsan og gott val
Jógvan.
