Forlagið Tjarnardeild leggur í ár á annan bógv og gevur út eina aktuella bók, sum Uni Arge, journalistur, hevur skrivað. Hon eitur ”Komin er nú onnur øld - ein lýsing av okkara samtíð“.

Bókin er áhugaverdur og hugvekjandi lesnaður, ið setir tankar og orðaskifti í gongd. Hon viðger tey mest umrøddu málini í almenna orðaskiftinum seinnu árini og savnar saman týðandi hendingar og sjónarmið í eina heild.

Spurt verður eitt nú, um rasisma kann taka seg upp í Føroyum, um áttatiárini hanga sum ein moralsk marra yvir samfelagnum, um prísurin fyri høgt livistøði er alt ov høgt blóðtrýst, og um føroysk mentan er steðgað upp í fortíðini.

Spurt verður eisini, um Føroyar skula lima seg inn í ES, um fjølmiðlarnir kappast meira um undirhald enn journalistikk, um íslendingar skula keypa Føroya Banka, og um ein søgulig tjóðskaparlig semja millum føroyingar skjótt verður veruleiki.

Hetta er fyrsta bókin, sum Uni Arge letur úr hondum.

Til bílegging